Татар блогерлары карантиндагы пациентларга бүләкләр алып кайттылар

Diamond Princess лайнерыннан эвакуацияләнгән 8 ватандашыбызга татар милли ашларын илттеләр, ә коронавирусның җиңел формасы ачыкланган өчесенә тизрәк терелүләрен теләп, открыткалар бүләк иттеләр.

Кичә өч билгеле татар блогеры республика йогышлы авырулар хастаханәсенә бардылар һәм карантинга ябылган ватандашларыбызга бүләкләр илттеләр. Алар арасында Илназ Габилуллин, Ринат Галиәхмәтов, Илүзә Галиәхмәтова, Резедә Миңнегулова бар. Шулай итеп, әлеге блогерлар ватандашларыбызга ярдәм кулын суздылар. Алар хастаханәнең кабул итү бүлегенә Татарстан флагы, теләкләр язылган открыткалар, чәкчәк, бал кебек күчтәнәчләр, китаплар һәм милли киемдәге курчаклар белән килделәр. Гадәттән тыш хәлләр министрлыгының махсус борты белән алып кайтылган пассажирларның дүртесе - Татарстаннан түгел һәм әлеге бүләкләр аларга безнең республиканы яхшырак белергә ярдәм итәчәк. Блогерлар бүләкләрне посылкалар өчен билгеләнгән махсус урында калдырдылар.
Инстаграмда блогерлар ватандашларын бәладә калдырмаячакларын һәм бүләкләрнең коронавирус ачыкланган авыруларда позитив эмоцияләр тудырачагын һәм бу аларга тизрәк савыгырга ярдәм итәчәген билгеләп үттеләр.
Махсус борт белән кайтарылган пассажирлар табиблар күзәтүе астында. Алар өчен барлык шартлар тудырылган. Аларны дәвалаучы медицина хезмәткәрләре дә алар белән карантин корылмасында яшиләр.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Сез чүп-чарны сортларга бүләсезме? .
    10 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте