Таксистлар газ двигателен хуплый

Россиядә, мәгълүм булганча, транспорт чараларын газ ягулыгына күчерү буенча 2023 елга кадәр исәпләнелгән программа гамәлгә ашырыла. Татарстанда әлеге программада катнашсаң чыгымнарның 30 проценты кире кайтарып бирелә. Әле тагын 1,5 мең кубометр газ тутыру өчен ягулык картасы бүләк ителә. Юрибик затларга еллыкның бер проценты чикләрендә 6 яки 12 айга кредит алу...

Россиядә, мәгълүм булганча, транспорт чараларын газ ягулыгына күчерү буенча 2023 елга кадәр исәпләнелгән программа гамәлгә ашырыла. Татарстанда әлеге программада катнашсаң чыгымнарның 30 проценты кире кайтарып бирелә.

Әле тагын 1,5 мең кубометр газ тутыру өчен ягулык картасы бүләк ителә. Юрибик затларга еллыкның бер проценты чикләрендә 6 яки 12 айга кредит алу мөмкинлеге тудырыла. "Газпром газомоторное топливо" җаваплылыгы чикләнгән җәмгыятьнең Казан филиалы директоры Булат Газизуллин әйтүенчә, җиңел автомобильне газ ягулыгына көйләү уртача-75 мең сумга, ә йөк машинасыныкы 300-600 мең сумга төшә.

- Җиңел автомобильләре булган кешеләрдән апрель аенда биш гариза кабул иттек инде. Үземнең машина да газга көйләнгән. Автомобильне газга көйләү эшләрен башкарырга документлар туплауда да булышабыз, - ди Казанның Тэцовская урамында урнашкан "АвтоЭкосистемы" предприятиесе директоры урынбасары Мансур Фәхретдинов.

Дмитрий Котин идарә иткән җиңел автомобиль двигателе тугыз ай элек газ ягулыгына көйләнелгән.

- Кышкы 25 градус салкыннарда да газ сынатмады, двигатель рәхәтләнеп эшләде. Машина газ ягулыгында 90 мең километр юл узды инде. Техниканы никадәр актив файдалансаң, чыгымнар шулкадәр тизрәк каплана. Бу "такси" автомобиле булганлыктан, мин мәсәлән, унике сәгатькә газ ягулыгында бер мең сумга кадәр экономия ясыйм. Уналты кубометр метан 200 километрга җитә, ә бензин ягып, аның кадәр араны уза алмыйсың, - ди Дмитрий Котин.

Автомобильне газ ягулыгына көйләү мәсьәләсендә белешмәләрне Татарстанның Икътисад министрлыгыннан алырга була. Телефон: 524-90-90, атнаның эш көннәрендә 9.00-17.00 сәгатьләрдә мөрәҗәгать итәргә мөмкин.

Дамир Бәдриев фотосы

Шәһри Казан

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 июль 2021 - 11:28
    Сарманлылар Гаилә көнен бәйрәм иттеләр
  • 9 июль 2021 - 11:25
    Сарманлылар Гаилә көнен бәйрәм иттеләр
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар