Табиб инсульт билгеләре күзәтелгәндә нишләргә кирәклеге хакында сөйләде

Сәламәтлеккә җитди зыян китерә торган авырулар исемлегендә инсульт онкологиядән соң икенче урынны били.

Түбән Камада Өченче буын университетында медицина белеме нигезләре буенча чираттагы лекция булды. Бу юлы студентлар табиблар белән нерв системасы авырулары һәм инсульт турында сөйләште. Бу хакта Түбән Кама районының матбугат хезмәте хәбәр итә.

Аудитория каршында баш штаттан тыш невролог Людмила Кудашева һәм баш штаттан тыш ангионевролог Евгений Чаузов чыгыш ясады.

Евгений Чаузов искәрткәнчә, сәламәтлеккә җитди зыян китерә торган авырулар исемлегендә инсульт онкологиядән соң икенче урынны били.

«Әгәр автобуста яки урамда кемнеңдер хәле начарайган икән, аңа елмаерга һәм кулын күтәрергә кушыгыз – инсульт вакытында битнең симметриясе бозыла һәм бер ягы хәрәкәтләнми, кулның берсе икенчесеннән «артта кала» яки гомумән күтәрелми», - дип искәртте табиб инсультның төп билгеләре турында.

 

Шулай ук кешенең сөйләме бозыла, ул исем-фамилиясен авырлык белән әйтә. Инсульт билгеләре күзәтелгәндә шунда ук ашыгыч ярдәмгә шалтыратырга кирәк. Әгәр диагноз расланса, пациентны тиз арада хастаханәгә озаталар.

Бу очракта иң мөһиме – вакытны кулдан ычкындырмау. «Пациентка беренче 3-4 сәгать эчендә ярдәм күрсәтсәң, инсультның тискәре нәтиҗәләре минималь булачак», - дип искәртте табиб. 

 

 

Чыганак: tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 13 апрель 2021 - 09:54
    Башкортстан кызы Лилия Шагалеева туган телендә Газиз Әбделмәновның шигырен укый!
  • 25 март 2021 - 14:07
    Фирдүс Тямаев Сарайлы авылына кабат кайтачак
  • Сез чүп-чарны сортларга бүләсезме? .
    8 кеше тавыш бирде
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.