Синоптиклар дөрес әйтмәгән

Үзәк газеталарда: "Татарстанга корылык килде. Җәй буена яңгыр яумаячак, диләр синоптиклар", - дип яздылар соңгы вакытларда. Аларның бу әйтүләренә "каршы килеп", кичә кичтән һәм төнлә яңгыр явып үтте. Яшен, урыны белән бозлы булса да, аннан соң һавалар сафланып китте. Бар җирдә дә тигез яумады, район буенча уртача күләме 6 миллиметр диделәр. Соңгы өч айда уртача явым-төшем күләме тиешле норманың 53 процентын тәшкил итә, диделәр район авыл хуҗалыгы һәм азык-төлек идарәсендә.