"Шигъри тәлгәшләр"

Иртән чыккан кояш нурларын 
Үз күзләрем белән күргәнгә. 
Шөкерана кылам Аллаһыма 
Туган якта гомер иткәнгә 
Ирем белән бергә тигезлектә 
Үз өемдә гомер иткәнгә. 
Шөкерана кылам, Аллаһыма: 
Ике кызым минем янымда. 
Булганының кадерләрен беләм, 
Иман рухы - минем җанымда. 
Укый белмәсәм дә, дога кылып, 
Рәхмәтләрне юллыйм Ходайга, 
Сабыр итеп, сыкранмыйча яшим, 
Көчле рухым белән дөньяда. 
Гөләндәм Хәлиуллина