Сарманнан Мөхетдиновлар гаиләсе өчен июль – үзенчәлекле ай

Алия Мөхетдинованың туган көне - 19 июльдә, тормыш иптәше Рәмис 16 июльдә туган. Уллары Данис нәкъ Гаилә, мәхәббәт һәм тугрылык көне алдыннан - 2013 елның 7 июлендә, Казанда Универсиада ачылган көнне туган.

- Гаилә кору, бала табу, яратып һәм яратылып яшәү - зур бәхет, хатын- кыз бәхете шуннан торадыр инде. Аллага шөкер, бүгенге көндә мин бик бәхетле, чөнки "матурым" дип кенә торган тормыш иптәшем бар, "әнием " дип өзелеп торган улым үсеп килә, - ди Алия.