Сарманлыларга медаль тапшырылды

"Сарман: иң яңа хәбәрләр", 6 август 2019 - 10:32

1341

Узган атнада район үзәгендә һава десанты гаскәрләренә һәм аларга һәйкәл ачылу тантанасында бу эшкә зур өлеш керткән сарманлыларга – район башлыгы Фәрит Хөснуллинга, район десантчылары берләшмәсе җитәкчесе Марат Шәеховка, ветеран десантчылар Айрат Гәрәев, Рәмис Рәхимов, Рәис Кәлимуллин, Нил Һадиуллинна “Эшче-крестьян Кызыл Армиясенә һәм флотка 100 ел” дигән юбилей медале тапшырылды.

Әлеге бүләкне аларга тантанада катнашучы Татарстан Республикасы ДОСААФ төбәк иҗтимагый дәүләт берләшмәсе идарәсе рәисе Дамир Диниуллов тапшырды.
Зөлфия Шәрипова язмасы һәм фотолары.