Сарманлылар ярты килограммлы бәрәңгеләр үстергәннәр

Сарманда яшәүче Раушан һәм Анна Хәсәновлар бәрәңгедән мул уңыш алганнар. Берсе-берсе 500-600 грамм килүче бәрәңгеләр казып алгач, үзләре дә аптырап калганнар. 
- Бәрәңгене ихатадагы бакчага 20 төп тирәсе генә утырттык. Быелгы ел өчен уңыш начар чыкмады. Арасында 500-600дән артык граммлы бәрәңгеләр чыкты, - диде Анна Семеновна. 
Хактан да, үлчәүгә салгач, бәрәңгеләренең берсе – 623, икенчесе 532 грамм авырлыкта килде. 
Хәерле ризык булсын!

Альбина Сабирова язмасы