Сарманлылар Россия көнен билгеләп үтәләр

12 июньдә безнең илебез мөһим дәүләт бәйрәмен – Россия, ягъни Россиянең дәүләт суверенитеты турындагы Декларацияне кабул итү көнен билгеләп үтә. Ул – илдәге иң “яшь” дәүләт бәйрәмнәренең берсе. 1990 елның 12 июнендә РСФСР халык депутатларының беренче съезды Россиянең дәүләт суверенитеты турындагы Декларацияне кабул итте. Анда Россия Конституциясе һәм аның законнарының өстенлеге игълан ителде. Бу вакытка СССРның күпчелек союздаш республикалары үз суверенитетлары турында карар кабул иткән иделәр инде. Россия дәүләтчелеген ныгытуда аның яңа исемен – Россия Федерациясе – кабул итү мөһим роль уйнады.