Сарманлылар район данын Самарада яклап кайттылар

"Сарман: иң яңа хәбәрләр", 8 апрель 2019 - 18:20

1484

6-7 апрель көннәрендә Самарада беренче тапкыр татар сәнгатенең “Мирас” Халыкара балалар-яшүсмерләр һәм өлкәннәр фестиваль-конкурсы үткәрелде.

Анда безнең районнан да чыгыш ясарга бардылар. Барлыгы 600гә якын катнашучы булган. Нәтиҗәдә райондашыбыз Дилүс Гомәрев фестивальнең “Гран-при”ена һәм Кубокка ия булган. Ул “Татар җыры” вокал жанры номинациясендә 1 дәрәҗә лауреат Дипломы белән дә бүләкләнгән. Рафаэль Гыйләҗев 1, 3 дәрәҗә лауреат исемнәре алган, “Халык гореф-гадәтләрен саклаганы өчен” махсус призга лаек булган. Шундый ук призны Анна апа Гомәревага да биргәннәр.
Бу хакта тулырак газетабызның алдагы санында укыгыз.
Альбина Сабирова язмасы.