Сарманлылар гаилә, мәхәббәт, тугрылык көнен билгеләп үтте 

 Шул уңайдан Илек ял паркында күңелле чара үтте. Район үзешчәннәре бик матур концерт программасы күрсәтте. Сәнгать мәктәбе укытучылары балалар арасында асфальтка рәсем ясау конкурсы оештырды. “Шәфкать” үзәге ромашкалы панно янына сурәткә төшәргә теләүчеләрне җыйды. Гаилә традицияләрен, бер-береңне ярату, үзара хөрмәт кебек төшенчәләрне чагылдырган архив документлары –тарихи фоторәсемнәр күргәзмәсе дә күпләрне җәлеп итте. Балалар паркның уен мәйданчыгында мәш килде, төрле уеннарда катнашты.