Сарманлыларга машиналарын газ ягулыгына күчергән өчен субсидия биреләчәк

Татарстанда 1 марттан машинасын газ ягулыгына күчергән кешеләр әлеге хезмәт өчен түләүнең 30 процентын кире кайтара алачак. Татарстан хакимияте быел машинасын газ ягулыгына күчергән юридик, физик затларга, оешмаларга әлеге хезмәтне компенсацияләү турында тәкъдим кабул итте. Татарстан министрлар кабинеты карары белән 1 марттан машинаны газ ягулыгына күчерү өлкәсендә субсидия бирелә башлаячак....

Татарстанда 1 марттан машинасын газ ягулыгына күчергән кешеләр әлеге хезмәт өчен түләүнең 30 процентын кире кайтара алачак.

Татарстан хакимияте быел машинасын газ ягулыгына күчергән юридик, физик затларга, оешмаларга әлеге хезмәтне компенсацияләү турында тәкъдим кабул итте. Татарстан министрлар кабинеты карары белән 1 марттан машинаны газ ягулыгына күчерү өлкәсендә субсидия бирелә башлаячак.

Әлеге адым һаваның экологик чисталыгын саклау максатында эшләнә. Карар нигезендә машинаның төренә карап чыгымнарны компенсацияләчәкләр. Әйтик, 3,5 тоннага кадәр, 9 урынлы автомобиле булганнарга 30 процент субсидия каралган, шулай да кайтарылган акча суммасы 27 меңнән артмаячак. ди. Автобусларны газ ягулыгына күчергән өчен дәүләт 20 процент чыгымны субсидияләргә әзер. Иң күбе 74 мең сумны кире кайтарачак. Субсидия акчасын алу өчен «Татарстан Республикасы кече һәм урта эшмәкәрлеккә ярдәм күрсәтү һәм үстерү программаларын тормышка ашыру үзәге»нә гариза тапшырырга кирәк. Автомобильчеләр әйтүенчә, табигатьтәге газның гадәттә ике төре генә машинага урнаштырыла. Пропан-бутан һәм метан. Бүген җиңел машиналарны газ ягулыгына күчерү, маркасына бәйле рәвештә 20-40 мең сумга төшә. Аның каравы, газ ягулыгы куллану бензинга караганда 30 процентка арзангаракка чыга. Юлда еш йөргән шофер өчен машинасын газга күчерү үз үзен ике ел дигәндә аклый.

Күпләп машина газ ягулыгына күчкән очракта кайбер кыенлыклар да килеп чыгарга мөмкин ди, белгечләр. Татарстанда газ белән йөри торган машинага хезмәт күрсәтә торган оешмалар бармак белән генә санарлык. Газ балоннарын һәр биш ел саен тикшертеп торырга кирәк. Куркынычсызлык ягына килгәндә, бензин багының калынлыгы бер миллиметр булса, газның - дүрт миллиметр. Гадәттә, газ җайланмасын машинаның артына урнаштыралар. Аны озынча яки тәгәрмәч формасындагы баллоннарда саклыйлар. Соңгысы запас тәгәрмәч урынына куела. Сатып алучы теләге белән баллонны тукыма белән дә капларга мөмкин. Былтыргы нәтиҗәләр буенча, Татарстанда 9,6 мең транспорт чарасы газ ягулыгына көйләнгән.

http://shahrikazan.com/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 июль 2021 - 11:28
    Сарманлылар Гаилә көнен бәйрәм иттеләр
  • 9 июль 2021 - 11:25
    Сарманлылар Гаилә көнен бәйрәм иттеләр
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар