Сарманлылар пауэрлифтинг буенча ТР Беренчелегендә призлы урыннар алдылар

24-25 октябрь көннәрендә Казан шәһренең "Батыр" спорт комплексында ир-атлар һәм ветераннар арасында пауэрлифтинг буенча Татарстан Республикасы Беренчелеге үтте.

60 яшьтән өлкәнрәк ветераннар арасында Сарманның беренче санлы балалар һәм яшүсмерләр спорт мәктәбе тренеры Флорит Мәкъсутов чемпион булды. Аның укучысы Рузил Әһелтдинов (1999 елгы) 66 килограммга кадәр авырлык категориясендә зурлар арасында өченче урынны алды. Шуны да әйтеп үтәргә кирәк, чыгышы белән Морбаш авылыннан булган егет пауэрлифтинг белән әлеге елның гыйнвар аенда гына шөгыльләнә башлаган. Хәзерге вакытта Рузил Сарман аграр көллиятендә белем ала.