Сарманлылар Дәүләт Советына депутатларны вакытыннан алда сайлый алалар

Срогыннан алда тавыш бирү - ул быелгы сайлауларның яңалыгы. 14 сентябрьдә прописка адресы буенча тавыш бирергә бара алмаучылар моны алдарак - 3 сентябрьдән 13 енә кадәр эшли ала. Ләкин гражданин алдан үз сайлау участогына барып, гариза язарга һәм анда срогыннан алда тавыш бирүенең сәбәбен күрсәтергә тиеш (отпуск, командировка, уку яки эш режимы, сәламәтлек буенча яки башка сәбәп). Сайлауларның тагын бер үзенчәлеге - тартмаларның үтәкүренмәлелеге. Татарстанга 5 мең стационар һәм 6 мең күчмә тартма кайткан. Районның территориаль сайлау комиссиясе "Сарман" кинотеатрында урнашкан.

Исегезгә төшерәбез, бишенче чакырылыш Татарстан Республикасы Дәүләт Советы депутатларын сайлау 14 сентябрьдә үтәчәк.