Сарманлылар да акциядән артта калмыйлар

Бөтенроссия буенча мәктәпләрдә "Китапка икенче гомер бүләк ит" акциясе игълан ителде. Әлеге чарада Сарман урта мәктәбе укучылары һәм укытучылары актив катнаштылар. Акциягә әти-әниләр дә бик теләп кушылды. Укытучылардан - Ильмира Шаукатовна, Нурия Миргасимовна, Эльмира Тимуровна, әти-әниләрдән -Миңнуллин Булат, Закирова Рәхилә, укучылар арасыннан Низамов И. (2а), Миңнуллина М. (3в), Сафин И. (3в), Мусина А. (3в), Хаҗиева А. (3в), Ганиева М. (4б), Бадертдинова Ә. (4б), Галимов Б. (7в), Миңнуллина А. (7в) аерата активлык күрсәттеләр. 4а сыйныфы укучылары таушалган 29 китапны ремонтлап, китапханәгә тапшырдылар. Бүләк-китаплар белән китапханә фонды 482 экземпляр матур әдәбият белән баетылды. Акциядә катнашучыларга зур рәхмәтләребезне җиткерәбез.