Сарманлылар чират торып сурәткә төшә

Район үзәгендәге матурлыкны әйтеп-аңалатып бетерә торган түгел. Моңа кадәр ял көннәрендә өйләрендә генә ятарга күнеккән сарманлылар хәзер кичләрен, вакытлары булуга, урамга, паркларга йөрергә чыга. Үзәктәге ял паркы бала-чага тавышыннан гөр килә. Аларга карап ата-ана сөенә, балалары белән бергәләп тау шуучылары да бар. Гаилә белән парк әйләнүчеләр дә шактый. Янып тора торган куян, бүре сыны янына тагын "чыршы" белән болан да өстәлгән. Кичен алар янәшәсендә фотога төшәргә теләүчеләр бихисап күп була. Яңа сыннарны сурәткә алу өчен безгә дә чират беткәнен шактый көтәргә туры килде. Күрегез әле, чират торырлык та шул, әйе, бит!