Сарманлылар 2016 елда артыграк ял итәчәкләр

Былтыр без 118 көн ял итсәк, быел календарьдә бәйрәм һәм ял көннәре бергә артык - 119 булачак. Ул әле тагын бер көнгә артыграк булырга да мөмкин икән, чөнки белгечләр 31 декабрьне дә ял итәргә кирәк, дигән тәкъдим керткәннәр. Бу көнне барыбер юньләп эшләмиләр, бар кешенең уенда - бәйрәм табыны, бүләкләр әзерләү, кунак каршылау, диләр алар. Депутаптлар исә, киресенчә, ялларны кыскартырга кирәк, дигән фикердә. Озак ял итеп, күп ашап-эчеп, кеше сәламәтлеген боза гына, диләр алар.