“Сарман”га ел саен Кыш бабай да языла 

Күпкырлы талант иясе Камил Дияровны районда гына түгел, республикада да беләләр. Танылган нәфис сүз остасы, гармунчы, ветераннар хәрәкәте активисты районда узган чаралардан читтә калмый. Соңгы елларда ул районның Кыш бабае буларак та билгеле. Матбугат үзәгендә үткәрелгән чараларда катнашырга да өлгерә ул. 
- “Сарман” газетасын бик яратып укыйбыз. Аңа ел да язылабыз, икенче елда да ул йортыбызда көтеп алынган кунак булачак, - диде Камил абый, матбугат үзәгенә Чәй бәйрәменә килгәч.