Сарманга Ходай яңгыр бирде

Рамазан аенда яңгырны да шифалы, диләр. Эссе көннәрдән соң яуган яңгыр бик урынлы булды. Һава да сафланып, яшелчәләр дә күтәрелеп киткәндәй булды.

Яңгыр явуга бәйле сынамышлар да бар:

- Яңгыр кире кайтып ява башласа, бик куәтле булыр һәм боз да булыр.

- Яңгыр тамчысы су өстендә эре булып күбекләнеп торса, янә яңгыр булыр.

- Яңгырлы вакытта куәтле җил чыкса, һавалар яхшы булачагын белгертә.

Сынап карыйк әле, туры килер микән?!