Сарманда Үзәк чыршы ачылды

Яңа елга санаулы көннәр генә калып бара. Кемнәрдер өчен - гаилә бәхете, икенче берәүләр өчен - хезмәт уңышлары, өченчеләр өчен башка төр шатлык-куанычлары, район тормышында да халык хуҗалыгының төрле тармаклардагы уңышлары белән истәлекле булган Эт елын без зур рәхмәт хисләре белән озатабыз.

 27 декабрьдә район үзәгендәге Ял паркында үткәрелгән Үзәк Чыршы ачу тантанасында да быелгы елның иң истәлекле вакыйгалары телгә алынды, Яңа елга зур өметләр багланды. 
Быелгы Чыршы ачу тантанасы аеруча үзенчәлекле булды. Район административ бинасы каршыннан кузгалган шулкадәр күп санлы тройкалар, Кыш бабайлар һәм Кар кызлары парадын сарманлыларның моңарчы күргәне булды микән! Әйтүләренчә, мондый парад – районда беренче тапкыр һәм сарманлылар район җитәкчелегенә мондый бәйрәм өчен бик рәхмәтле калдылар! Ә тантана урынында – Ял паркында бәйрәмдә катнашучыларны район башлыгы Фәрит Хөснуллин сәламләде, авыл хуҗалыгы, нефть һәм газ чыгару, мәдәният, спорт һәм башка тармакларда ирешелгәннәргә тукталып һәм хезмәтләре өчен рәхмәт белдереп, сарманлыларга Яңа елда да зур уңышлар, гаилә бәхете, иминлек теләде, Яңа елга әзерләнүдә зур тырышлык күрсәткән оешмаларны бүләкләп үтте. Кыш бабай, Кар кызларының балалар белән күмәкләп тау шуулары бәйрәмнең тагын бер күңелле мизгеле булды. Ә Чыршы төбендә балаларны тәмле-тәмле Кыш бабай күчтәнәчләре көтте. Теләгәннәр исә кайнар чәйдән авыз иттеләр. 
Киләсе ел – дуңгыз елы. Йолдызбагарлар фаразлавынча, ул бик күп уңай эмоцияләргә, мөһим вакыйгаларга бай һәм барлык кешеләр өчен дә әһәмиятле һәм истәлекле булачак. Яңа еллар белән, хөрмәтле райондашлар! 
Зөлфия Шәрипова язмасы һәм фотолары.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде