Сарманда үзара салым акчасына трактор алганнар

Хуҗалыгыңдагы эшләрне башкару өчен үз мөмкинлегең булса, әйбәт инде ул. Сарманда үзәк паркта кар чистартып йөргән тракторны күргәч, шулай уйлап куйдык. Ул -кар эттергече, аттыргычы, төягече дә, арбасы да булган «МТЗ-320» тракторы. Җәй-көзләр өчен үлән чапкычы, хәтта себергече дә бар. Паркта скандинав адымы белән йөрүче апа-әбиләр трактор эшеннән бик канәгатьләр. Трактор һәм тагылма кораллары исә, авыл җирлегендә вак-төяк эшләрне башкару өчен, халыктан җыелган үзара салым акчасына сатып алынган.