Сарманда яшүсмерләр арасында алкоголизмны кисәтү буенча чара уздырылды

21 мартта Сарман аграр көллияте "Шәфкать" халыкка социаль хезмәт күрсәтү үзәге белән берлектә яшүсмерләр арасында алкоголизмны кисәтү максатыннан чара үткәрде. Ул Сарман аграр көллиятендә үтте. Чарада "Шәфкать" үзәгенең гаиләләргә һәм балаларга социаль ярдәм күрсәтү бүлегенең социаль педагогы Рахилә Мөбәракшина "Яшүсмерләрдә сыра алкоголизмы" дигән темага лекция укыды. "Шәфкать"нең шул ук бүлегенең психологы Гөлгенә Миргасимова "Азамат" җәмәгать фондының яшүсмерләрдә алкоголизм профилактикасы буенча видеодәрес күрсәтте. Аны карагач, барысы бергәләп фикер алыштылар.