Сарманда сәяхәт итәргә яратучы матур гаилә яши

Сарманда яшәүче Нияз һәм Гөлназ Әхмәтовларның гаилә коруларына 11 ел була. Алар Нияз армиядән ялга кайткач, Сарман ял паркында Яңа ел кичәсендә танышканнар. Гөлназ хәзерге вакытта Республика хәрби комиссариатының Сарман һәм Мөслим районнары буенча бүлегендә хезмәт куя, Нияз Яр Чаллы шәһәрендә янгын бүлекчәчендә эшли. Алар ике бала үстерәләр. Эльвинага 10 яшь, ул Сарман урта мәктәбенең дүртенче сыйныфында бишле билгеләренә генә укый, бию белән шөгыльләнә. Уллары Илназга - җиде ай.

Әлеге матур гаилә бергәләп сәяхәт итәргә ярата. Шулай ук балык тоту да аларның яраткан шөгыльләренә керә.