Сарманда сәламәтлек саклау өлкәсе хезмәткәрләренең йомгаклау конференциясе узды

Узган атнада район мәдәният йортында Сарман районы сәламәтлек саклау өлкәсе хезмәткәрләренең йомгаклау конференциясе булды. Сарман үзәк район хастаханәсенең баш табибы Ирек Билалов хастаханәнең 2013 ел барышында эше белән таныштырды һәм 2014 елга бурычлар куйды. Конференциядә район башлыгы урынбасары Гүзәл Гәрәева, баш табибның дәвалау өлкәсендә урынбасары Лилия Бектемирова, Җәлил хастаханәсенең баш табибы Фирдүс Сәлахов, терапия бүлеге мөдире Раушания Ночевкина, Яңа Әхмәт фельдшер-акушерлык пункты мөдире Миләүшә Даутова, Әлмәт муниципаль районының сәламәтлек саклау идарәсе начальнигы Равил Хәйруллин катнаштылар. Чыгышлардан соң алдынгылар бүләкләнде.