Сарманда Региональ чемпионат ачылды +ВИДЕО

"Сарман: иң яңа хәбәрләр", 18 ноябрь 2020 - 15:01

989

Бүген Сарман аграр көллиятенең производствога өйрәтү базасында “Яшь профессионаллар” Региональ чемпионатын ачу тантанасы үтте.

Анда ТР Авыл хуҗалыгы һәм азык-төлек министрлыгының инженер-техник тәэмин ителеш бүлеге начальнигы Ришат Булатов, район Башкарма комитеты җитәкчесе Фәндәс Вәлиев, район авыл хуҗалыгы һәм азык-төлек идарәсе начальнигы Альберт Шәрипов һәм башка җаваплы белгечләр катнаштылар. Чемпионат 21 ноябрьгә кадәр үтәчәк. “Авыл хуҗалыгы машиналарын эксплуатацияләү” компетенциясендә барлыгы биш – Сарман, Саба, Әтнә, Актаныш, Зәй районнарыннан егетләр һөнәри осталыкларын сыныйлар. Аларның эшен тәҗрибәле экспертлар бәяләячәк.