Сарманда районның яшь педагоглары белән түгәрәк өстәл үткәрелде

Бүген "Сарман" кинотеатрында районның яшь педагоглары белән "Ышанулы булырга өйрәнәбез" ("Учимся быть уверенными") дип исемләнгән түгәрәк өстәл үткәрелде. Аны икенче санлы Җәлил мәктәбенең татар теле һәм әдәбияты укытучысы Ландыш Шәйдуллина алып барды. Яшь укытучылар алдында район башлыгы урынбасары Гүзәл Гәрәева, район прокуроры Эльдар Сабиров, яшьләр эше, спорт һәм туризм бүлеге җитәкчесе Илгизәр Гаделшин, Әлмәт авылы мәктәбе директоры Рамил Садыйков, район мәгариф хезмәткәрләренең Профсоюз оешмасы рәисе Илдар Һадиев чыгыш ясадылар, сорауларга җавап бирделәр. Сарман гимназиясе психологы Венера Галәлиева кызыклы күнегүләр үткәрде. Ахырда барысы да "Гыйшык алмасы" дигән фильм карадылар.

Тулырак язманы район газетасының киләсе саннарыннан укыгыз.