Сарманда мөмкинлекләре чикләнгән балаларга бүләкләр тапшырылды

Яңа ел алдыннан бар кешеләргә дә, начар хатирәләрне артта калдырып, үзләренең иң яхшы сыйфатларын белгертәсе килә. Моңа ярдәмгә мохтаҗ кешеләр турында кайгырту да керә. Яңа ел могҗизасы бигрәк тә инвалид балаларга кирәк. "Агросила групп" җәмгыяте һәм Сарман районы балалар китапханәсе хыялларны чынга ашырды. "Ак өмет торнасы" ("Белый журавлик надежды") клубы әгъзалары булган мөмкинлекләре чикләнгән балаларга "Агросила групп"ның генераль директоры Илдар Гыймадиев һәм Яңа ел персонажлары булып киенгән китапханә хезмәткәрләре тарафыннан бүләкләр тапшырылды.