Сарманда "Милләтләр кроссы" үтте

Бүген Сарман авылының "Старт" балалар һәм яшүсмерләр спорт мәктәбе базасында "Милләтләр кроссы-2016" кысаларында җиңел атлетика кроссы буенча район беренчелеге үтте. Егетләр һәм кызлар, ир-атлар һәм хатын-кызлар 12 яшь төркемендә көч сынаштылар. Пенсионер ир-атлар һәм хатын-кызлар өчен махсус "Өченче яшь" дип иисемләнгән төркем оештырылды. Җиңүчеләргә һәм призерларга дипломнар, медальләр һәм бүләкләр тапшырылды. Ярышлар кысаларында 200 һәм 2000 сумлык яңа банкнотларда Казан шәһәре символлары өчен тавыш бирү дә пропагандаланды.

Тулырак язманы район газетасының киләсе саныннан укый аласыз.

Сарманнан Язгөл Хөсәенова кызлар арасында иң кечкенә катнашучы булды - ул 2012 елда туган (малайлар арасында иң яше - Юлтимердән 2010 елгы Булат Зарипов).