САРМАНДА ҖӘМӘГАТЬ ТЫҢЛАУЛАРЫ УЗДЫРЫЛАЧАК

Аерым әһәмияткә ия социаль корылма буларак, Пенсия фонды корылмаларын төзу, үзгәртеп кору, капиталь ремонт уздыру өчен 2014 елның 12 ноябрендә чыккан 510 номерлы Идарә боерыгы нигезендә Сарман Пенсия фонды идарәсе халык фикерен белү өчен җәмәгать тыңлаулары уздыра.

Тыңлаулар 2015 елның 5 февралендә көндезге сәгать 12 дә Пенсия фонды идарәсендә уза. Адресы:Сарман авылы, Ленин урамы 28б йорты.

Катнашырга теләкләре булган Сарман районы гражданнары, оешма вәкилләре чакырыла. Катнашучыларны теркәү сәгать 11 дә башлана.

Әлеге тыңлау буенча тәкъдимнәр 2-56-36, 2-47-85 телефоннары аша кабул ителә.