Сарманда контракт буенча хезмәт итүче солдат белән очрашу узды

Узган атнада Сарман авылы Хәрби комиссариат бинасында Сөлек авылы егете Айрат Сәмыйгуллин белән очрашу узды. Ул контракт буенча Ульяновск шәһәрендәге Кутузов Орденының икенче дәрәҗәле 31нче аерым гвардия десант-штурм бригадасында хезмәт итә. Контракт өч ел дәвам итәчәк, Айрат аның яртысын үткән инде. Очрашуда ул җыелган кешеләрнең кызыксындырган сорауларына җавап бирде, хезмәт итүнең үзенчәлекләре турында сөйләде. Чараны Татарстан Республикасы Хәрби комиссариатының Сарман һәм Мөслим районнары буенча бүлек начальнигы Дашгын Гасанов алып барды.