Сарманда кино ветераннары бүләкләнде

Киноучреждение җитәкчесе Ринат Шәрәфетдинов кино хезмәте ветераннарының өйләрендә булып, аларны Өлкәннәр көне белән котлады. Ул Альбина Яруллина, Мансур Хөснетдинов, Фәхерлеҗинан Мөхәммәтҗанова, Кыям Ризатдинов, Мөгаллимә Гаделшина, Роза Фәрхетдинова, Алира Солтанова, Гөлия Хәмидуллина һәм башкаларга, саулык-сәламәтлек, бәхетле картлык теләп, киноучреждение коллективы исеменнән акчалата бүләкләр тапшырды. Мансур абыйга ул Люция Зиннурованың «Әйтер сүзем бар» дип исемләнгән шигырьләр җыентыгын да бүләк итте. Ә инде бу атнада җомга көнне аларны «Сарман» кинотеатрында чәй өстәлләре көтә.