Сарманда инвалид балалар өчен Яңа ел уздырылды

Бүген Инвалидлар ункөнлеге кысаларында "Сарман" кинотеатрында инвалид балалар өчен Яңа ел уздырылды.

Бәйрәмне "Бердәм Россия" сәяси партиясенең җирле бүлекчәсе ветераннар һәм инвалидлар җәмгыяте, район үзәк китапханәсе хезмәткәрләре "Сарман" киноучреждениесе белән берлектә оештырдылар

Яңа ел кичәсенә Сарман гимназиясенең махсуслаштырылган (коррекцион) сыйныф укучылары да килгәннәр иде.

Бәйрәм бик күңелле үтте. Балалар биеделәр, җырладылар, шигырьләр сөйләделәр. Кыш Бабай белән Кар Кызы аларга "Бердәм Россия" сәяси партиясенең җирле бүлекчәсе әзерләгән бүләкләрне тапшырдылар.

Ахырдан балалар мультфильм карадылар.