Сарманда "Иң зәвыклы бакча" конкурсының аралык нәтиҗәләре

Исегезгә төшерәбез, Сарман районында "Иң зәвыклы бакча" конкурсы дәвам итә. Иң популяр бакча - Петровка Завод авылыннан Галәветдиновлар бакчасы. Аның турында мәкалә 284 тапкыр укылган. Сарман авылында яшәүче Альбина Яруллинаның бакчасын 236 тапкыр караганнар, Урта Кәшер авылыннан булган Харисовлар бакчасын - 203 тапкыр.

Кызганыч, сайтка керүчеләр тарафыннан бик аз каралган бакчалар да бар. Мәсәлән, Сарман авылында яшәүче Вәрисә Мөхлиеваның бакчасын бары тик 56 тапкыр караганнар. Яңа Әхмәт авылындагы мәдәният йорты бакчасы турындагы мәкаләне 62 кеше укыган. Кәүҗияк мәктәп бакчасын карарга шулай ук аз кергәннәр - мәкаләне 85 кеше укыган.

Хәзерге вакытта конкурс дәвам итә. Матур бакчагыз белән конкурста катнашырга ашыгыгыз. Бүтәннәрнекен дә карарга онытмагыз.