Сарманда балалар өчен бәйрәм оештырылды

Кичә "Дулкын" бассейны артындагы яңа Ял паркында Сарман сәнгать мәктәбе коллективы балалар өчен "Җәй бизәкләре" дигән ял киче оештырды. Сарман сәнгать мәктәбенә йөрүче сәләтле балалар укытучылары белән берлектә яшь дуслары өчен иң матур җырларын һәм биюләрен башкардылар, барысы бергәләп кызыклы уеннар уйнадылар. Күмәк уеннарда барысы да бик теләп катнаштылар, ә бүләккә татлы призлар һәм күтәренке кәеф алдылар. Шушында ук балалар асфальтта рәсем дә ясадылар.

Балалар өчен оештырылган бәйрәмгә паркка ял итәргә чыккан өлкәннәр дә кушылды.