Сарман журналистларын Казанга чакырдылар

11 гыйнварда Татарстан Республикасы Дәүләт Советы рәисе, волейбол федерациясе директоры Фәрит Мөхәммәтшинның спорт өлкәсе журналистлары белән очрашуы булды. Анда шулай ук Татарстан Республикасы волейбол федерациясенең башкаручы директоры Мансур Кәримов һәм "Спортивное вещание" берләшмәсенең Казан шәһәрендәге филиалы җитәкчесе Михаил Степанов катнаштылар. Очрашуда район һәм шәһәр матбугатларында спорт темасын, аеруча волейболны, яктырту турында сүз барды. Программада Татарстан Республикасы Дәүләт Советы бинасы һәм "Волейбол үзәге" аренасы буенча экскурсияләр һәм "иптәшләрчә" төшке аш каралганнар иде. Шулай ук журналистлар ике волейбол матчы карадылар.