Сарман урта мәктәбе 9 укучысына фатиха бирде

"Сарман: иң яңа хәбәрләр", 24 июнь 2023 - 19:22

1533

Бүген район мәдәният йортында Сарман урта гомумбелем бирү мәктәбе укучыларының чыгарылыш кичәсе узды.

2 егет hәм 7 кыз кулларына урта белем документы алдылар. Мәктәп директоры Раушания Сәетгәрәева аларга, изге теләкләрен җиткереп, аттестат тапшырды. Район Башкарма комитетының яшьләр эшләре, спорт hәм туризм бүлеге начальнигы Руслан Гыйльфанов, Сарман матбугат үзәге җитәкчесе Альбина Сабирова, мәдәният бүлеге начальнигы Гөлназ Латыйпова, әти-әниләр укучыларга хәерле юл, уңыш юлдаш булуын теләделәр. Кызлар-егетләр рәхмәт сүзләрен җыр-биюләре аша җиткерделәр, сыйныф җитәкчесе Гөлназ Хатыйповага, әниләренә чәчәк бәйләмнәре бүләк иттеләр.