Сарман укучылары мультфильм эшләүдә катнаша

​​​​​​​Республикада менә икенче ел инде “Татарстан чоры” (Век Татарстана) халык проекты  тормышка ашырыла.

 

Аны Татарстан иҗтимагый палатасы һәм “Татармультфильм” берләшмәсе  оештыра. Республика мәктәпләренең беренчедән алып сигезенче классака кадәр булган укучылары өчен  “Век Татарстана -2” халык мультфильмы соавторы булу  һәм бөтендөнья кинематографы тарихына керү өчен уникаль мөмкинлек булдырылган. Узган ел анда  30 меңнән артык укучы үзе иҗат иткән шигырь,  рәсем белән  катнашты. Шул да билгеле булсын, проект Татарстан Президентының “ТАССР төзелүнең 100 еллыгын бәйрәм итү” турындагы Указы нигезендә тормышка ашырыла. Проект кысаларында республика мәктәпләрендә очрашулар була. Шундый очрашуның берсе Җәлил сәнгать мәктәбендә үтте. “Татармультфильм” берләшмәсе рәссам-аниматорлары иң элек проектның шартлары белән таныштырдылар, Татарстан тарихы турында кыска метражлы фильм күрсәттеләр. Аның барышында Татарстан тарихы белән бәйле сорауларга әңгәмә дә үтте. Аннан укучылар мультфильм эшләүнең алымнары белән таныштылар. Узган елгы проектта катнашучылар  анимация буенча булган масстер-класста районның гербы, аның элементларын эшләгән булсалар ( җиңүчеләрнең эшләре “Герб-безнең район символы” һәм “Минем районымның гербы” дип исемләнгән мультфильм составына да кертелгән), быел тарихи урыннары, гореф-гадәтләренә бәйле рәсемнәр иҗат ителде.  Моннан тыш, Җәлил сәнгать мәктәбе укучылары Индира Марданова, Эльвина Төхбатуллина, Вероника Васильева үзләре иҗат иткән шигырьләрен сөйләделәр. Оештыручылар әйтүенчә, “Век Татарстана” мультфильмы 26 минутлык булачак. Анда һәр районга 30 секунд вакыт бирелә, бу вакыт аралыгына 12 рәсем урнаштыру мөмкинлеге булдырылган. Әлеге чара хакында тулырак – “Сарман” газетасының алдагы саннарында.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Сез чүп-чарны сортларга бүләсезме? .
    10 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте