Сарман сәнгать мәктәбе зур бәйге уздырды

7 нче апрель көнне Сарман балалар сәнгать мәктәбе Бөек Җиңүнең 70 еллыгы уңаеннан зур бәйге уздырды. Регионара, республика конкурсларында катнашмаган балалар сугыш темасына җыр, бию, нәфис сүз номинацияләрендә үзара көч сынаштылар. Икенче көнне бу бәйгенең гала-концерты булды. Концертка коточкыч сугышның үзе белән күзгә-күз очрашкан ветераннар - Сарманнан Нәкыя апа Фарукшина...

7 нче апрель көнне Сарман балалар сәнгать мәктәбе Бөек Җиңүнең 70 еллыгы уңаеннан зур бәйге уздырды. Регионара, республика конкурсларында катнашмаган балалар сугыш темасына җыр, бию, нәфис сүз номинацияләрендә үзара көч сынаштылар. Икенче көнне бу бәйгенең гала-концерты булды. Концертка коточкыч сугышның үзе белән күзгә-күз очрашкан ветераннар - Сарманнан Нәкыя апа Фарукшина белән Петровка Завод авылыннан Мөхәррәм абый Фәйзуллин да чакырылган иде. Яшьли сугыш кырларына китеп, Җиңү яулап туган якларына кайту бәхете насыйп булган хөрмәтле ветераннарга балалар үзләренең иң матур сәнгать әсәрләрен бүләк иттеләр, истәлекле бүләкләр тапшырдылар. Һәркемнең теләк бер иде: балалар язмышында ятимлекләр кабатланмасын, әти-әни кочагында иркәләнеп, бәхетле булып, җырлап-биеп яшәүләр насыйп булсын.

Расиха Хәмидуллина, Сарман сәнгать мәктәбе укытучысы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    0 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша