Сарман "Шәфкать" үзәгендә янгынга каршы өйрәнүләр узды

Бүген "Шәфкать" халыкка социаль ярдәм күрсәтү үзәгендә янгынга каршы планлы тактик-махсус өйрәнүләр үтте. Анда Гадәттән тыш хәлләр министрлыгының территориаль бүлекчәсе, 131 нче Сарман янгын бүлекчәсе, 32 нче Җәлил янгын бүлекчәсе, "Нөркәй" янгынга каршы пункты, полиция, газ, медицина, "Шәфкать" үзәге хезмәткәрләре һәм башкалар катнаштылар. Анда янгын чыккан очракта тиз реакция ясау, зыян күрүчеләрне куркыныч урыннардан эвакуацияләү һәм аларга беренче ярдәм күрсәтү күнегүләрен кабатладылар.

Өйрәнүләр үткәннән соң хаталар өстеннән эш булды. Үзәк персоналына булган кимчелекләрне бетерергә куштылар.