Сарман редакциясендә хезмәт куючы Диләрәм Кәлимуллина яраткан чәчәкләреннән беркайчан да аерылмый

Безнең коллективта хезмәт куючы Диләрәм Кәлимуллина чәчәкләр үстерергә ярата. Аның төрле-төрле яран гөлләре күз явын алырлык булып торалар. Ул яраткан чәчәкләреннән беркайчан да аерылмый: көз көне, суыклардан саклап, тәрәзә төбенә алып кереп куя. Шулай итеп, ул аларны яз көне утыртыр өчен әзерли. Диләрәм Кәримовнаның тәрәзә төбендә кыш көне дә матур чәчәкләр утыра. Яран гөленең файдалы сыйфатлары турында сорауга килгәндә, "ул һаваны чистарта һәм төрле чирләргә каршы көрәшергә ярдәм итә", дип җавап бирә Диләрәм Кәримовна.

Сүз уңаеннан

Яранның файдалы сыйфатлары

* төрле чирләрдән дәва

* һаваны чистарта

* кан басымын төшерергә ярдәм итә

* яраларны тизрәк төзәтә

* йөрәк, бавыр, үт куыгы, бөерләр эшчәнлеге өчен файдалы

* нервларны тынычландыра