Сарман редакциясе унберенче сыйныф укучылары өчен конкурс игълан итә

Чыгарылыш кичәләре - унберенче сыйныфлар өчен аеруча дулкынландыргыч вакыт. Алар бу көнне унбер ел буе бергә укыган, дус булган, бер парта артында утырган кешеләр белән саубуллашалар. Аннан соң инде укырга керү мәсьәләсе килеп баса. Чыгарылыш сыйныф укучыларының кәефләрен күтәрү максатыннан без унберенчеләр өчен махсус конкурс оештырырга булдык. Ул "Чыгарылыш кичәсеннән эксклюзив фото" дип аталачак. Исеменнән күренгәнчә, конкурска дип җибәрелгән фотолар башкаларныкына охшамаган, оригиналь булырга тиешләр. Аларны sarmangazetam11@mail.ru электрон адресына җибәрергә кирәк. Фотолар 10 июльгә кадәр кабул ителәчәкләр. Көтеп калабыз!