Сарман районыннан җиде егет армиягә китте

Армиягә язгы чакырылыш дәвам итә. 30 июнь көнне Сарман һәр Мөслим районнары буенча 12 егет армия сафларына алынды. Шуларның җидесе - безнең районнан: Илназ Миңнуллин, Юрий Усов, Максим Иванов (Сарман), Артур Хәбилов, Фәнил Хөснетдинов (Җәлил), Вәсил Хәйруллин (Чураш), Рәмис Хафизов (Ләшәү Тамак). Соңгы "отправка" - 8 июльдә. Быелгы чакырылышта бер генә кешегә дә артык яклау ясалмаган - барысы да содат шинеле киячәк. Татарстан Республикасы Хәрби комиссариатының Сарман һәм Мөслим районнары буенча бүлек начальнигы Дашгын Гасанов хәбәр итүеннән күренгәнчә, соңгы ике "отправка"ныкылар Мәскәүдә, Мәскәү тирәсендә, Екатеринбургта хезмәт итәчәкләр. Моңа кадәр безнекеләр Ерак Көнчыгыштагы, Хабаровскидагы гаскәрләрне тулыландырганнар. Ике кеше үзе теләп Сахалинга киткән. Егетләр теләп хезмәт итә. Елын тутыргач, контракт буенча калучылар да шактый.

Шулай ук укыгыз:

Сарман районыннан армия сафларына беренче төркем юлга кузгалды