Реклама
Конкурслар һәм акцияләр
Сарман аграр көллиятендә оста пешекчеләр көн күрә
Янәшәбездә нинди генә оста, сәләтле кешеләр юк безнең! Аларны ачыклау өчен үткәрелүче бәйге, конкурсларның да саны-исәбенә чыга торган түгел. Хәзер иң яхшы ир исемен алу өчен дә ярыштыралар. Ә без тәмле дә, күзгә ятышлы да итеп ризык, тәм-том пешерә белүчеләрне ярыштырып карарга булдык әле. «Тылсымлы ашъяулык» дип исемләнгән бу конкурсыбызда...
Янәшәбездә нинди генә оста, сәләтле кешеләр юк безнең! Аларны ачыклау өчен үткәрелүче бәйге, конкурсларның да саны-исәбенә чыга торган түгел. Хәзер иң яхшы ир исемен алу өчен дә ярыштыралар. Ә без тәмле дә, күзгә ятышлы да итеп ризык, тәм-том пешерә белүчеләрне ярыштырып карарга булдык әле. «Тылсымлы ашъяулык» дип исемләнгән бу конкурсыбызда теләгән һәркем катнаша ала. Моның өчен үзегез яратып әзерли торган берәр ризык рецептын язып, шуның белән рәсемгә төшеп, аларны безгә юлларга гына кирәк. Бу мавыгуыгыз (ул сезнең төп эшегез булса да, зыян юк) турында берникадәр язарга да мөмкин. Шулай итеп, башлыйбыз. Ә конкурска йомгак Яңа ел алдыннан ясалачак. Бүген сүз - аграр көллиятнең югары категорияле производствога өйрәтү мастеры Дания Гайнетдиновага.
Тәмле баллы торт
Камыр өчен: 50 грамм атланмай, 50 грамм бал, 1 стакан шикәр комы, 0,5 чәй кашыгы серкә белән сүндерелгән сода, 2 йомырка салып, болгатырга, эрегәнче, парда тотарга. 1,5 стакан иләнгән югары сортлы он кушып, куе масса барлыкка килгәнче, 10-15 минутка тагын парга куярга. Камыр тыгыз булмасын өчен, әледән-әле болгатып торырга. Әзер камырны онлы тактага салып, 6 тигез кисәккә бүләргә. Шарчыклардан коржлар җәяргә һәм, кызарганчы, 180 градуслы кызулыктагы газ плитәсе мичендә пешереп алырга. Катламнар арасына, суынгач, крем ягарга.
Крем: 2 йомырка, 0,5 стакан сөт, 1 аш кашыгы шикәр комы, 1 стакан онны яхшылап болгатып, утка куярга. Куерганчы, болгата-болгата, кайнатырга.
Суынгач, 300-500 грамм атланмай кушып, күпертергә. 2 катлам саен юка телемләп киселгән банан кисәкләре тезәргә. Өстенә 38 процентлы сөт өсте күпертеп ягарга, яки үзең теләгәнчә җимешләр белән бизәргә.
Следите за самым важным и интересным в Telegram-каналеТатмедиа
Нет комментариев