Сарман районында санитар-экологик икеайлык башлана

Республиканың шәһәр һәм муниципаль район территорияләрен чистарту һәм аларны тиешле кыяфәткә китерү максатыннан 1 апрельдән Татарстанда санитар-экологик икеайлык старт ала. Төп юнәлеш - калдыклар белән эш итү таләпләренең үтәлешен күзәтүне көчәйтү.

Барырга кыен булган урыннарда урнашкан чүплекләрне итз рәвештә табу өчен кече авиация көчләре ярдәмгә киләчәк, шулай ук электрон сервислар эшләячәк. 1 апрельдән башлап, гражданнар экология белән бәйле төрле кагыйдә бозулар турында хәбәрләрен 267-68-67 "кайнар линия" телефоны буенча һәм eco.signal@tatar.ru электрон адресына калдыра алалар. Бу елны беренче тапкыр табигатьне саклау буенча җәмәгать инспекторлары институты кертелү планлаштырыла.