Сарман мәктәбе укучыларының әти-әниләре дә имтиханнарга әзерләнәләр

Узган җомгада Сарман урта мәктәбендә төп һәм бердәм дәүләт имтиханнары бирүче укучылар, аларның әти-әниләре һәм җаваплы хезмәткәрләр катнашында ата-аналар җыелышы булды. Мәгариф бүлеге белгечләре Алия Әсләмова, Резедә Фәррахова имтиханнар бирү тәртибе һәм алардагы яңалыклар белән таныштырдылар. Районда эшләп килүче педагогик-психологик, медик-социаль үзәге психологы Винера Галәлиева укучыларны имтиханнар бирүгә психологик яктан әзерләү мәсьәләләре турында сөйләде. Алар һәм мәктәп җитәкчелеге әти-әниләрнең, укучыларның сорауларына җавап бирделәр. Җыелышка йомгакны мәктәп директоры Гөлназ Сабирҗанова ясады һәм укучыларга, әти-әниләргә уңышлар теләде. Җыелыш соңыннан үзә эшен сыйныф бүлмәләрендә дәвам итте. 
Бу хактагы тулырак материалны газетабызның киләсе санында укый аласыз.