Сарман мәгълүмат-мөхәррият үзәгеннән "гөбәдия" рецепты

Камыр өчен: 1 стакан җылы сөт 1 чәй калагы чүпрә 1 йомырка 3 аш калагы шикәр комы 100 грамм атланмай 1 чәй калагы тоз он кирәгенчә алына. Эчлек өчен: 250 грамм бүрттерелгән дөге 200 грамм йомшартылган йөзем (карасы булса яхшырак) 250 грамм вакланган корт 2 аш калагы шикәр комы 250...


Камыр өчен:
1 стакан җылы сөт
1 чәй калагы чүпрә
1 йомырка
3 аш калагы шикәр комы
100 грамм атланмай
1 чәй калагы тоз
он кирәгенчә алына.

Эчлек өчен:
250 грамм бүрттерелгән дөге
200 грамм йомшартылган йөзем (карасы булса яхшырак)
250 грамм вакланган корт
2 аш калагы шикәр комы
250 грамм ак май
4 данә пешкән йомырка.
Эш барышы:
Иң элек чүпрәне стаканга салып, өстенә 4-5 аш калагы җылымса су салып күпертеп алабыз.
Җылы сөткә күпертелгән чүпрәне, шикәр комы, тоз, йомырка, эретелгән атланмай салып болгатабыз һәм он салып камыр басабыз. Камырыбыз кулга ябешеп тормаслык хәлдә булырга тиеш. Камырны җылы урынга, өсте ябулы килеш кабартырга куябыз.
Кайнап торган тозлы суда дөгебезне бүрттереп алабыз.
Йөземне чүбеннән аралап, чистартып, юып кайнар суга салып тотабыз (йомшарсын өчен).
Шул арада йомыркаларны пешереп алабыз, суытабыз - вак итеп турыйбыз яки эре угычтан үткәрәбез.
Гөбәдиягә дигән кортыбыз вак булмаса, аны төйгеч белән ваклыйбыз.
Кабарган камырны бер зур һәм бер кечкенә кисәккә бүләбез. Зр кисәген җәеп, майланган табага куябыз. Камыр өстенә вакланган корт салабыз. Бүрттерелгән дөге белән йөземне бергә кушып, корт өстенә урнаштырабыз һәм өстенә шикәр комы сибәбез. Иң өскә вакланган йомырканы салабыз да, эретелгән атланмай сибәбез. Кечкенә камыр кисәген җәеп, иң өскә каплыйбыз, астагы җәем белән өстәге җәемне тоташтырып, бөгеп чыгабыз. Гөбәдия өстенә вак умач сибәргә мөмкин. Эшләнеше: 1аш калагы атланмай, 1 чәй калагы шикәр комы, 3 аш калагы он салып уабыз.
Мичтә 40-45 минут пешерәбез.
Ашларыгыз, чәйләрегез тәмле булсын!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде