Сарман мәгълүмат-мөхәррият үзәге журналистлары фотога да оста төшерәләр

Һәр елның 19 августында Бөтендөнья фотография көнен билгеләп үтәләр.

Фотография - бик үзенчәлекле күренеш. Уйлап кына карагыз, беркайчан да кабатланмаячак мизгелләрне, кызыклы моментларны, матур урыннарны, кешеләрне фотосурәттә калдырып була. Алар ярдәмендә без элекке вакытларга кайта алабыз, кызыклы моментларны искә төшерәбез. Кемдер өчен фотога төшерү әле һөнәр дә, сәнгать тә.

Менә без дә, Сарман мәгълүмат-мөхәррият үзәге журналистлары, фотоаппарат алмыйча, әһәмиятле вакыйгага яки чарага бармыйбыз. Без төшергән фотографияләрне сез район газетасы битләреннән һәм sarman-rt.ru сайтыннан даими карап барасыз.