"Сарман мәгълүмат-мөхәррият үзәге" "Әни белән янәшә" дигән конкурс игълан итә

Нәрсә генә эшләсәк тә, кайда гына булсак та - әниләр һәрчак безнең янда булырга тырышалар. Әлбәттә, һәркемнең диярлек алар белән истәлекле фотолары бар. Әниләрегез белән тарихка кереп калган кызыклы фотоларыгыз булса, sarmangazetam11@mail.ru электрон адресына җибәрегез. "Әни белән янәшә" дип исемләнгән конкурста катнашыр өчен кечкенә чагыгызда төшкән дә, хәзерге вакытта сурәтләнгән фотоларыгыз да ярый. Конкурска нәтиҗә Әниләр көне алдыннан ноябрь ахырында ясалачак. Әниләрегезгә бәйрәмгә бүләк отасыгыз киләме? Тырышыгыз - җиңүчене приз көтә.