Сарман мәдәният йорты сәнгать осталары Өчөйле Саклауда концерт оештырдылар

Өчөйле Саклау авыл мәдәният йортында Сарман мәдәният йортының сәнгать осталары концерты булды. Концерт алдыннан Саклаубаш авыл җирлеге сәркатибе булачак сайлаулар буенча халык алдында чыгыш ясады,артистларга рәхмәт хаты тапшырды. Концертны мәдәният йорты директоры Гөлүсә Галиева алып барды. Методист Сәмәрә Хәйруллинаның берсеннән-берсе матур шигырьләре, "Шайтан таягы" юмор төркемендә оста уйнавы тагы да ямь өстәде. Шушы төркемнең яшь артистлары Нияз Вәгыйзов, Илнур Хөсәенов, баянчы, юмор остасы Таһирҗан Зарипов, җырчы, биюче Илсур Шиһапов, яшь җырчы Ландыш Шәйдуллина, Айгөл Галәветдинова, Гөлнур Зөлкарнаева, Ландыш Рәхимова, Алинә Галиева моңлы, дәртле җырлары белән таң калдырдылар. Концертның ветеран биючесе Анна Гомәрова, яшь биюче Айгөл Зөлкарнаева матур биюләр башкардылар.