Сарман кызы Гөлназ Әхтәмҗанова "Татар-информ"да редактор булып эшли

.

- Журналистика өлкәсенә килергә уйлаган һәркемдә, әлбәттә, сәләт булырга тиеш. Шуны яшьрәк чакта, мәсәлән, мәктәптә укытучылар, яшь хәбәрче түгәрәге җитәкчесе яисә башка тәҗрибәле кеше күреп алып, сәләтеңне үстергән очракта, бу өлкәгә кереп китәргә була, дип уйлыйм. Минем белән дә шулайрак булды. Остазларыма чиксез рәхмәтлемен. Журналистикага мәктәптә укыганда ук чумдым. Студент елларында каникуллар вакытында "Сарман" газетасында эшләп ала идем. 4 курста укыганда, телевидениегә корреспондент булып урнаштым. Хәзер "Татар-информ" мәгълүмат агентлыгында редактор булып эшлим. Журналистика өлкәсе бик кызыклы бит ул. Ул - эш кенә түгел, ә яшәү рәвеше. Башка һөнәр сайлау турында уйлаганым да булмады минем, чөнки журналистика миңа бик якын. Иртән эшкә дип чыгып китеп, кичен өйгә кайтып тормыйча, башка шәһәргә командировкага да чыгып киткән вакытлар, төне буе өйгә кайтмый, эфирга сюжет әзер булсын дип, монтажлап утырган чаклар да булды. Хәзер мин командировкаларга йөрмим, офиста яңалыклар белән эшлим. Һәрчак вакыйгалар, яңалыклар үзәгендә кайныйм. Төп бурычыбыз – яңалыкны, минуты-секунды белән, беренчеләрдән булып, халыкка җиткерү. Редактор эше бик җаваплы, игътибарлылык сорый, шул ук вакытта җитезлек тә таләп итә. Шуның белән дә эшем бик кызыклы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 28 июнь 2022 - 08:55
    Кәүҗияктә Раиф абыйның юбилеен бәйрәм иттеләр
  • 22 июнь 2022 - 15:39
    Хәтер көне балалар өчен дә кирәк
  • Район егетләрен армиягә озаттылар
  • Крестьян-фермер хуҗалыклары басулары бәя алды
  • Районда «Иң яхшы автобус йөртүчесе» ачыкланды
  • Сарманлылар Сары тауны гөрләттеләр
  • Сарман сәнгать мәктәбе укучылары тамашачыларны иҗат кичәсенә җыйдылар
  • Сарман кызлары Мөслимдә!
  • Сарман күген ап-ак күгәрченнәр иңләде
  • Күренекле мәгьрифәтче Морад Рәмзинең иҗатына багышланган халыкара форум
  • Җәлил укучылары рухи кыйммәтләрне барладылар
  • Космонавтика көне белән бәйле хатирәләрегез юкмы, дуслар?